Дејан Даскалов познат како Даскал, пејачот кој направи бум на македонската сцена со неколку добри хитови и не остави да се прашуваме каде е и дали пак ќе не изненади. Ние се потрудивме да го пронајдеме и да ги добиеме сите можни одговори кои веруваме дека ќе ги интересира нашите читатели а посебно читателки…
Каде е денес Дејан Даскалов? Што работи моментално?
Денес работам како Спец. Д-р интервентен Радиолог на Клиника за Радиологија – Скопје. Си ја сакам својата работа и премногу ме исполнува, да не кажам ме преполнува, бидејки преголем обем на работа имаме хехехе.
Дали музиката сеуште претставува нешто што те исполнува?
Музиката дури дишам ќе биде дел од мене, не би можел да замислам ниту еден ден без музика во сите облици. Таа е дел од мојот живот, само таа знае да ме рлаксира, развесели, замисли па дури и да ме однесе во минати моменти од животот на кои радо се присеќам.
Како нас така и повеќето читатели не копка прашањето дали Даскал би се вратил повторно на македонската сцена и би напраил бум со некој нов хит?
– Никогаш не вели никогаш. Работните обврски си го прават своето, деновите ми летаат неприметно, знаете кога сте влезени во кругот на животот за егзистенција,престиж и животен прогрес деновите ви се како минути, саати така да дури сте се освестиле веќе е нов ден. Се би дал да имам простор, слободни мигови во изобилство, мигови за паралелен кејф.
Имам неколку песни што не ми се објавени и го чекам моментот, коцките да ми се склопат бидејќи навистина ми фалат тие моменти.
Дали би можел да издвоиш која од твоите песни најмногу ти значеше и емотивно те допираше во срце?
Посебно драги песни ми се мојата прва песна „Засекогаш со мене“ и „Дежа Ву”
Што има ново на љубовно поле? Дали имаш подршка од сопругата за враќање на македоската сцена како пејач?
Женет и фала Богу имам максимална подршка од сопругата во се што правам во животот па дури и самата ме балансира да извадам нов сингл и да се појавам повторно.
Како најчесто го поминуваш слободното време?
Слободното време најчесто го поминувам со моите најблиски,пријатели кои знаат да шират позитива,да те исполнат до максимум низ прошетки по природа,кеј,сеир муабети. Наоѓам малку време по нешто да искомпонирам, кога сум напнат знам да си засвирам на пијаното да се релаксирам но тоа е само еден дневен тек па веќе можам и рутина да кажам односно секојдневие.
Дали најчесто те препознаваат твоите пациенти како Даскал пејачот и ти поставуваат прашања каде си и зошто те снема? Освен јас ?
Знаат да ме препознаат и нели од тој тип на прашања а некогаш и има закаснета реакција во стилот „ти си бил пејач ауууу а како ти се викаше групата хехехе…
Што би им препорачал Даскал на нашите читатели?
Живејте го животот до максимум со отворено срце, љубов и радост на секој нов ден бидејки нема реприза, а и кога би имало реприза би го живеел животот повторно исто…
Danny Jovanovska