Со доаѓањето на децата во вашиот живот истиот целосно се променува, а со тоа се менува и пристапот на прославите по повод Нова година.
Кога во домот имате мало бебенце, дочекот на Нова година ќе ви наликува на било која претходна вечер додека седете дома, пред ТВ екраните а вашиот најмил спие или си игра во креветчето. Можеби ќе имате време да си подготвите убава празнична вечера со вашиот партнер или пак едноставно ќе им се препуштите на слатките грицки и чипс додека гледате некое телевизиско новогодишно шоу.
Со малку постари деца
Кога малку ќе пораснат, работите се сосема поинакви. “Може ли да седам до полноќ и да го чекам Дедо Мраз?“. Децата веќе полека ги сваќаат празничните моменти и истите сакаат да ги дочекаат со вас, или пак само остануваат будни за да добијат новогодишно изненадување.
Сите знаеме дека редовниот сон е многу важен за вешето дете, но сепак за новогодишната ноќ дозволете му да остане буден до полноќ. Големи се шансите нивните мали возбудени главички да заборават на рутината за спиење која ја стекнале и да сакаат да се дружат со вас. Сепак и ова може да се избегне. Едноставно завртте го часовникот напред за неколку часа и прославете ја новата година со вашето дете малку порано. Откако ќе заспие, ќе имате можност да уживате во целосен мир со вашиот партнер.
Во друштво со повеќе деца
Дочек на новата година можеби сте организирале само за вашето семејство, но честопати се случува журката да ја направите во договор со уште едно или две семејства.
Во вакви случаи внимавајте да направите забава во која покрај вие ќе уживаат и вашите најмали и да наликува на еден вид “роденденска забава“. Подгответе и новогодишно изненадување, пакетчиња и забавни наградни игрички а во деновите пред Нова година, дозволете им тие повеќе да ви помагаат во украсувањето на домот.Но, внимавате украсите да не се кршливи и правите се, за безбедноста на децата.
Малку постарите деца можат да ја искористат својата креативност или некои од идеите за рачно правење на украси кои се објавените на интернет и направат уникатни декорации за домот и елката.
Нека биде весело
Гласната музика е дел од секоја новогодишна забава, а за разлика од другите денови никој од децата нема да ви замери доколку пуштите неколку децибели повеќе. На петарди веднаш заборавете, за ваша и безбедност на децата. Можете да направите мала приредба на која секој од децата ќе испее некоја песна или ќе одглуми некоја филмска сцена по сопствен избор, а на крај сите ги наградете со чоколади или бомбончиња.
