„Google Drive“ може да се користи за складирање на фотографии, документи и други фајлови на интернет.
Денот на сигурноста на интернет се обележува на 10 февруари, а интернет гигантот „Google“ реши сите свои корисници кои водат сметка за приватноста да ги награди. Имено, „Google“ на сите оние кои ќе проверат дали нивните приватни информации на нивните кориснички сметки се ажурирани, ќе им поклони 2GB бесплатен простор на „Google Drive“.
Сѐ што треба да направите е да го посетите овој линк, да се најавите со својата корисничка сметка и да проверете неколку основни информации за вашата корисничка сметка како би била побезбедна.
Оваа понуда важи до 17 февруари, а бесплатните 2GB ќе се појават на вашата корисничка сметка до крајот на месецот ветува „Google“.
