Мајкрософт денес поправи голема грешка во Windows, која постои веќе 19 години, односно од верзијата 95. Истражувачите на IBM го откриле овој недостаток во системот за безбедност на почетокот од оваа година, а во мај тие тајно го известиле гигантот од Редмонд.
Овој редок bug им овозможува на хакерите на далечински пат да извршат некоја команда во посакуваниот систем, така што ќе ги убедат корисниците на Windows да посетат одреден URL во Internet Explorer. IBM истражувачите велат дека овој напад може да се изврши на верзијата 3.0 на Internet Explorer и на сите верзии после оваа верзија. Она што е опасно е тоа што секоја верзија на Windows е загрозена.
– Оваа ранливост постои веќе подолго време, иако голем број на други грешки се откриени и решени во истата Windows библиотека – вели IBM истражувачот Роберт Фримен.
Мајкрософт официјална поддршка и понатаму нуди за Windows 8.1, 7, Vista и бројни серверски верзии на овој систем, но престана за XP кој ќе остане ранлив на овој вид на напад.
Нема докази за тоа дека некој го искористил овој bug за напади, но тој е рангиран со оцена 9.3 од вкупно 10 според „Common Vulnerability Scoring System (CVSS)“ скалата. Се препорачува на сите корисници да ја ажурираат својата верзија на оперативниот систем што е можно поскоро.