Медот е одлична состојка за природна убавина. Домашната маска за лице од банана и мед служи за нахранување на уморната и сува кожа.
Добро средство за навлажнување и омекнување на кожата. Одличен е за мозолчиња затоа што е природен антисептик. Освен за кожата, може да се користи и како регенератор на слабата коса.
Бананите се користат за навлажнување на сувата кожа, но исто така можат да се користат и за сува коса. Мирисот од бананата е благ и сладок. Кожата ќе се чувствува мека и нежна и ќе има нежен мирис. Нема повеќе да го имате чудното чувство дека кожата ви е цела затегната.
КАКО ДА ЈА НАПРАВИТЕ?
Издробете половина банана (а другата половина можете слободно да ја изедете) и направете пире. Во пирето додадете 2 супени лажици мед и мешајте ги додека пирето не се згусне.
НАЧИН НА УПОТРЕБА:
Нанесете го пирето на чисто лице. За поголеми резултати, пред да ја ставите маската, лицето треба да биде малку влажно и топло. Исечете две тенки парчиња банана и ставете ги под очите. Витамин К што се наоѓа во бананата помага за отстранување на подочниците. Со масажа нанесете ја маската и оставете ја 20 минути да делува. Кога ќе се исуши, измијте го лицето со млака вода.
За подобри резултати, нанесувајте ја маската 2-3 пати неделно.
