Вежбите што ги издвоивме за денес се конкретно наменети за мускулите на градите. Секоја посакува цврсто обликувани гради, но сонот може да стане реалност ако решите да најдете време да поработите на нив.
Секој почеток треба да биде благ, за подоцна да си дозволите напорен тренинг што ќе донесе резултати. Конкретно и за овие вежби, што ви ги предлагаме, е потребна рутина. Затоа не се форсирајте и работете колку што имате снага.
Вежбите за гради, генерално, може да се поделат во три категории.
Секоја категорија има куп варијации што ќе го направат вежбањето поинтересно и доволно предизвикувачко за секоја од вас.
ДИГАЊЕ ТЕГОВИ
Вежбите со тегови или ластик се пожелни од причина што ги активираат речиси сите мускули на градите, вклучувајќи ги оние на рамената. Наједноставна вежба со тегови е онаа кога легнувате на земја, а теговите ги кревате во вис со рацете под агол од 90 степени. Со помош на теговите можете да ги изведувате речиси сите вежби со раце, само што овој пат ќе ги зајакнете и градите. Користете мали тегови како оние што ги даваат инструкторите на часовите по аеробик.
СКЛЕКОВИ
Со помош на склековите се активираат сите делови од телото, но товарот најмногу паѓа на рацете и градите. За почекот можете да почнете со женски склекови (како на првата слика) со нозете во вис. И оние што се загреани по пилатесот, со помош на топката се прават одлични склекови.
ВЕЖБИ СО ТЕГОВИ
Ако во првата група, теговите беа наменети за да ги кревате (тука можете да користите и потешки тегови) во оваа група спаѓаат сите оние стандардни вежби со раце, само што овој пат ќе ги правите со тегови. Од лево- десно, горе- доле, па се до кружни движења на рацете…се е добредојдено се додека ги правите со тегови во рацете.
