Одлуки

Зошто е толку тешко да донесеме одлука…Зошто мораме да одлагаме се додека таа одлука не се стави пред свршен чин… Дали така добиваме на време, или губиме ?

Како човекот донесува одлука?

Ако може да бира,не ја донесува.Во наша природа е да ги одложуваме одлуките до крајните рокови, и најчесто ја донесуваме кога веќе мораме и немаме како да ги одложуваме.Обичен пример ни се оставањето на цигарите или пак започнување на диета….и најчесто одговорот ни е –Од понеделник..

Зошто не од одма?

Основниот проблем во донесувањето на одлуката е емоционалната блокада која се манифестира преку стравот дека можеби ке донесеме погрешна одлука.Ги одложуваме се додека не се убедиме 100% дека тоа е тоа ,таа конечната и сигурна (иако знаеме дека никогаш не постои нешто сигурно,освен една работа.)
Често пати доколку спаѓаме во оние пасивни личности се случува да пробуваме да ја префрлиме одговорноста на друга личност, зошто свесни сме дека позади секоја донесена одлука мораме цврсто да стоиме позади неа. Изговори и причини секогаш постојат, само нас ни е потребен повод.

Како ги донесуваме одлуките?

Сите сме различни и сите имаме начини на кој и со кој најдобро функционираме.Ни за донесување на одлуки нема некое универзално правило и затоа сите тоа го правиме врз основа на нашата личност.

Постојат 4 начини на донесување на одлуки:

1.Емотивно или интуитивно-ги донесуваме одлуките врз основа на одредено претходно искуство и ситуација во која сме се нашле и веќе сме ја поминале на успешен начин.
2.Логично – Во овој случај донесуваме одлука откако ќе ги собереме и разгледаме сите аргименти кои се за или против одлуката која треба да се донесе.Им пристапуваме аналитички, со пресметки…Пример: нов автомобил,дали воопшто ни е потребен во моментот, дали и колку можеме да вложиме, колку би не чинело неговото одржување…
3.Групно донесување на одлука – Во овој случај бараме мислење од некој чие мислење ни значи и имаме доверба во истиот, знаејки дека истата личност го сака и мисли најдоброто за нас.
4.Со проба или тестирање – Одлучуваме да одбериме некоја од опциите што веќе ги имаме искористено и се имаат покажано како најдобри во праксата.На овој начин имаме увид во добрата и лошата страна од самата одлука.Проблемот е само што сме ограничени со време.
Вака образложено делува лесно и применливо. Во праксата е малку поинаку, бидејќи постојат многу фактори кои влијаат на тој еден битен сегмент каков што е донесувањето на одлука.
Во зависност од ситуацијата ние одлучуваме кој начин ќе го користиме.Се во зависност од тежината на одлуката, времето на располагање..

Понекогаш мислам дека е подобро да донесиме макар и погрешна одлука отколку воопшто да не ја донесиме…Замижи и направи го првиот чекор, после тоа ќе ти биде касно да се вратиш назад. Што побрзо ја донесиме одлуката, толку повеќе ќе имаме време за реализација на истата и за испавување на некои евентуални грешки кои ќе настанат. Што повеќе одложуваме, се повеќе ќе наогаме алиби и причини за нештата да не се случат..