Иако е докажано дека ние жените сме поромантични од мажите, сепак не треба да се потценуваат и нивните потреби од романтични гестови.
Значи, за секој романтиката е поинаква. Мажите и жените имаат различни гледишта во врска со романтиката. Најчесто мажите даваат некаков отпор кон романтиката, а всушност знаат да бидат многу романтични, но тоа го покажуваат на сосема поинаков начин од жените. Сакаат комплименти, внимателно одбрани подароци, смисла за хумор, појадок в кревет, заедничко капење…направете ги следниве гестови што за вас можеби и не се толку романтични, но него сигурно ќе го фрлат на колена.
Оставете му изненадување во фрижидерот
Купете му пиво и омилениот чипс пред почетокот на натпреварот за кој знаете дека едвај чека да почне за да го гледа. Така ќе покажете дека сакате да се грижите за него, но не на оној мајчински или напорен начин. На пивата, ако сакате, можете да ставите и розова машничка со некоја убава порака. Розовата боја овој пат нема сигурно да му пречи.
Купете му карти
Изненадете го со карти за натпреварот од неговиот омилен тим за кој навива. Ќе биде подеднакво среќен, исто како и вие кога тој би ви напишал долго, романтично, љубовно писмо. Кажете му дека другата карта е за вас… мала шала. Дајте му ја картата за неговиот најдобар пријател. Така ќе победите на меѓународниот натпревар за најкул девојка на планетава.
Чешкајте го нежно
Мажите се дебелокошци, тоа барем го знаете. Тие навистина имаат подебела кожа од нас жените и затоа обожаваат кога ќе поминете со вашите нокти по неговиот грб и рамената. Тоа го отпушта. На тој начин ќе му ја искажете љубовта и вниманието, без премногу патетика.
Направете му миризлива бања
Вашиот партнер ќе ви биде многу благодарен ако по напорниот работен ден му приредите топла миризлива бања. Ако сакате да биде расположен и смирен во текот на остатокот од денот, тогаш лекот барајте го во миризливата бања. Можете тоа да го направите на некаков поинтересен начин, како на пример да поставите хартиени стрелки од влезната врата до бањата каде што ќе го пречекаат неколку свеќички и пријатна арома. По потреба можете да го пречекате во кадата.
