Германската асоцијација за технички преглед на возила Декра во извештајот за оваа година го стави Audi A6 на првото место, како модел со најмалку дефекти. По него следи Mercedes, па повторно Audi.
Имено, Audi A6 е автомобилот со најмала шанса да му се случи дефект, од сите класи на возила и во сите подрачја на измината километража. Тоа е резултатот од извештајот за користени возила за оваа година на германската организација за технички преглед на возила Декра.
На второто место се најде класата Е на Mercedes, а потоа уште еден модел на Audi, теренецот од средната класа Q5. Во ланскиот извештај, првото место му припадна на моделот на Mercedes.
