Дали знаете дека домот е вистинско гнездо што нуди идеални услови за развој на бактериите? Тука не мислиме само на тоалетот, туку на собата во која спиете.
Решивме да ви ги откриеме неколкуте жаришта на бактерии и микроорганизми во вашиот дом што се одговорни за вашите необјасниви главоболки, често кивање и затнатиот нос.
Што е алергија?
Организамот на алергичните лица бурно реагира на некои појави од нашето природно опкружување кои инаку не се штетни. Таквите нешта се нарекуваат алергени. Реакцијата на алергиите обично создава воспаление кое предизвикува различни симптоми, како настинка, грозница, течење на секрет од носот, астма и многу други.
Механизамот на алергиските реакции
Во здравиот организам антителата го штитат од вируси, бактерии и инфекции. Кај алергичните лица имуолошкиот систем погрешно сфаќа одредени алергенци како непријатели и почнува да создава антитела за да се одбрани од нив.
ДОМАШНИ МИЛЕНИЦИ
Алергиите од кучињата и мачињата не се нешто непознато. Вината треба да ја барате во нивното крзно и слојот од мртви клетки што паѓа на тепихот, креветите и останатите места на кои лежат. Затоа подобро е да ги држите настрана од детската соба, редовно чистете ги подовите, мијте ги рацете без разлика колку е чисто вашето кутре.
СОБНИ ЦВЕЌИЊА
Цвеќињата мора да се плеват редовно, во спротивно се склони да создаваат спори што лесно влегуваат во организмот преку респираторниот систем. Ова не значи дека не смеете да одгледувате цвеќиња дома, но редовно чистете ги од сувите лисја, не ги полевајте често со вода и не ги ставајте во спалната.
ТЕПИСИ
Теписите се речиси најголемиот извор на микроорганизми и бактерии. Целата прашина од домот, трошките, ѓубрето што го носите од надвор, влакната од милениците…сето тоа се лепи за подната површина. Смукањето не е доволно да го исчистите бидејќи така ќе соберете само дел, а остатокот ќе се разлета низ цела соба. Најдобро е да си ставите ламинат или еднаш во неделата да го чистите тепихот со влажна крпа.
КРЕВЕТИТЕ И ПОСТЕЛАТА
Во период од 8 часа на вашиот кревет завршуваат илјадници мртви клетки од вашата кожа. Тие се навистина примамливи за паразитите и молците. Како да си помогнете? Редовно смукајте ги креветите и покривајте ги со покривач. Менувајте ја постелата еднаш неделно и пеглајте ја пред употреба.
БИБЛИОТЕКАТА СО КНИГИ
Ако имате домашна библиотека со стари книги тогаш имате работа плус. Старата хартија е идеална за развивање на паразити. Што значи не смеете да дозволите книгите да останат недопрени. Редовно поместувајте ги и бришете ја прашината под нив.
ПЛИШАНИТЕ ИГРЧКИ
Доколку вашето дете постојано кива и е алергично на прав, одговорни за тоа се неговите меки играчки. Практикувајте да му купувате од оние што се перат во машина бидејќи децата најчесто ги ставаат играчките во уста.
ФРИЖИДЕРОТ
Со оглед на тоа што тука чувате храна, фрижидерот треба да биде најчистото место во вашиот стан. Редовно бришете ги полиците, храната чувајте ја затворена во садови, саламите нека бидат свиткани во фолија или кеса. Доколку некоја храна не ја јадете, фрлете ја, не чекајте да фати мувла.
