Во кујната постојат многу намирници што ќе ви помогнат во борбата со разубавувањето. Иако палетата на готови производи е преголема…се поголем е бројот на девојките што веруваат исклучиво на природата.
Овој пат, со помош на атрибутите од кујната ќе најдеме решение за неколку проблеми:
АВОКАДО ЗА НЕГА НА КОСАТА
Состојките на авокадото ја омекнуваат и најдивата коса. Но, во последно време многу се зборува за неговото дејство врз бојосаната коса. Измијте ја косата на ваш начин, а потоа нанесете маска од авокадо по должина на целата коса. За маската ви е потребно едно измелено авокадо и малку маслиново масло.
ЗРНО КАФЕ ПРОТИВ ЦЕЛУЛИТ
Кофеинот се среќава речиси во секоја антицелулитна крема од причина што има својство да ја поттикнува циркулацијата. Можеби не сте чуле дека и зрната од кафе се добредојдени во борбата со целулитот. Жените од Куба редовно ги триеле нозете со зрна од кафе за да спречат појава на целулитот. Сторете го истото, само што после триењето замотајте ги нозете со проѕирна фолија, чувајте ги барем 30 минути.
ПРАЗНИ ЛИМЕНКИ ЗА ВИТКАЊЕ НА КОСАТА
Сите се смееја на лименките во косата што ги носи Lady Gaga во новиот спот Telephone. Верувале или не, но тоа е стар трик за виткање на косата што го користеле жените уште од 60-тите години на минатиот век. Со помош на лименките се формираат гламурозни и разиграни локни, нивниот пад бил исклучителен…нешто што не може да се постигне ниту со најскапата преса на светот.
ДОМАТЕН СОК ЗА ОДРЖУВАЊЕ НА БОЈАТА НА КОСАТА
Девојките што ја бојадисуваат често се жалат дека со текот на времето бојата ја менува нијансата. Ова особено се забележува во полетните и летните денови, кога косата е почесто изложена на сонце и вода. По само една седмица од последното бојадисување, а се чини како на прамените да останал само бланшот. Најдобро решение за задржување на квалитетот на бојата е доматниот сок. Доволно е да го чувате на косата 15 минути.
МОРСКА СОЛ И МАСЛИНОВО МАСЛО ЗА КОЖА КАКО СВИЛА
Промешајте малку морска сол со неколку капки маслиново масло. Ваквата смеса нанесете ја на фротирска ракавица и масирајте го телото со кружни движења. Ова е најдобрата природна ексфолијација за вашата кожа. Особено тријте ги деловите од нозете каде што се создаваат внатрешни влакна. за помалку од месец дена, таквиот проблем ќе стане минато.
ЈАБОЛКА И ПАВЛАКА ЗА СВЕЖО ЛИЦЕ
Измијте го јаболкото и исечкајте го на резанки. Истолчете го со една мала чаша слатко млеко и три лажици слатка павлака. Смесата нанесете ја на лицето, покријте го со газа и оставете состојките да дејствуваат десетина минути. Отстранете ја смесата со мокро шамиче, потоа измијте го лицето со ладна вода.
КИСЕЛИ ЈАБОЛКА ЗА МЕКИ РАЦЕ
Спас за грубата и испукана кожа на дланките е сокот од кисело јаболко. Земете една половина кисело јаболко и тријте го врз кожата. оставете сокот да делува неколку минути, а пото исплакнете ги рацете со млака вода.
МАСКА ОД БЕЛКИ ЗА СУВА КОЖА
Доколку имате претерано сува кожа, направете пена од белки во која ќе додадете неколку капки врела вода. Кожата ќе стане мека и сјајна за неколку секунди. Сите маски што содржат белка од јајце се препорачуваат за млитава кожа со пори, брчки, акни и вишок маснотија на Т -зоната.
МЕД ЗА ЗДРАВ И СВЕЖ ИЗГЛЕД
Шест лажици брашно, две лажици мед и цврста пена од изматени белки – добро промешајте ги за да добиете пријатна и исклучително хранлива крема. Медот и блеките ја чистат и ја потхрануваат кожата, откако ќе го измиете лицето со млака вода, тоа ќе стане свежо, а циркулацијата ќе се подобри. Маската оставете ја на лицето барем 15 минути.
