Без оглед на празничната атмосфера и убавината на зимскиот пејзаж зимата носи тажно и депресивно расположение кое негативно се одразува на женската убавина.
Истражувањето направено по нарачка на американската козметичка компанија Adonia Organics покажало дека зимата е причина жените да изгледаат постаро за точно 4 години и осум месеци.
Во истражувањето учествувале 5.000 жени на возраст од 27-60 години. Во зима 82% од нив страдале од потечени подочници за разлика од летните месеци кога тој проблем го имале само 38% од претставничките на понежниот пол.
Клучна улога во забрзаниот процес на стареење игра недостатокот на светлина како последица на што не само што се менува ритамот на метаболизмот туку и визуелно се влошува изгледот на лицето.
Кожата станува посветла поради што темните кругови околу очите стануваат позабележливи. Исто така се јавува недостаток на витамин Д што е главна причина за заморен и непривлечен изглед. Неговото продуцирање е условено од сончевите зраци кои во зима се поретки.
Експертите препорачуваат во зимските денови да одвоите барем 15 минути за попладневна дремка со цел да го залажете организмот, да го намалите количеството на сол во исхраната и надвор да не излегувате без заштитни очила кои ја заштитуваат не само кожата туку и видот.
