Иако располага со милиони на своите трансакциски сметки, основачот на Икеа, Ингвар Кампрад, купува евтини работи, за да бил човек за пример.
„Се што заработуваме, потребно ни е како резерва“ вели Кампрад.
Според интервју за шведска ТВ, Ингвар Кампрад се уште купува облека на старо.
„Мислам дека не носам ништо што не е купено на пазар. Сакам да бидам човек за пример“, изјавил 89-годишниот основач на Икеа.
Милијардерот тврди дека скромноста е вообичаена за луѓето во Смоланд, Јужна Шведска, каде што пораснал и ја основал компанијата.
Според недамнешни извештаи од шведски медиуми, Кампрад има богатство од околу 65 милијарди евра, но тешко е да се утврди колку точно поседува тој, што им припаѓа на неговите деца, а колкав дел има во семејната фондација во Лихтенштајн.
