Марија Петерсон е пилот на компанијата Ryanair, а на својот Instagram профил има 342.000 обожаватели на кои секојдневно им открива како изгледа нејзиниот живот во кокпитот, но и вон него.
Оваа 32-годишна шведска убавица е родена во Гетеборг, но моментално живее во Палермо, на Сицилија. Популарноста ја стекнала токму благодарение на својот Instagram профил, којшто моментално има повеќе од 340.000 следбеници. Веќе на 25 години станала пилот, а своето искуство решила да го сподели и со останатите, токму благодарение на друштвените мрежи.
– Многу ми се допадна позитивната реакција на луѓето и сите љубопитни прашања коишто ми ги поставуваа во врска со тоа како може да станат пилот, изјавила таа за Daily Mail.
Згодната русокоса и открива како изгледа еден нејзин вообичаен ден:
– Мојот стил на живот е сличен на оној којшто го имаат луѓето коишто работат од 9 до 17 часот. Ние работиме пет дена, па имаме четири слободни денови. Прекрасно е да се имаат четири дена слободни, после пет работни. Тоа ми обезбедува доволно време за одмор и дружење со пријателите и семејството, изјавила таа.
И иако нејзината работа се состои од патувања ширум светот, таа тоа сака да го прави и во своето слободно време.
– Се трудам да патувам колку што можам повеќе и во текот на слободните денови, и ова лето веќе ги посетив Берлин, Лондон и Стокхолм. Кога патувам на одмор, ги сакам местата коишто нудат рајски плажи и многу авантури, раскажува Марија.
