Иако можеби не сте слушнале за неа по нејзиното име, сигурно сте го воочиле нејзиниот талент во спотовите на хит песните од Сиа.
Станува збор за Меди Зиглер. Пред четири години нејзиниот живот целосно се променил. Од обично девојче кое одело во основно училиште, се дружело со другарчињата и уживало во танцувањето, за кратко време се претвори во вистинска шоу биз сензација.
Благодарение на спотот за песната „Chandelier” од популарната пејачка Сиа, Меди го покажа својот талент за танцување и ја воодушеви публиката ширум светот. Сиа ја забележала во американското шоу „Dance Moms” во 2011 година, а останатото е историја.
Денес има преку 3 милиони следбеници на Инстаграм, а спотовите во кои танцува имаат преку милијарда прегледи на ЈуТјуб. На тој начин, ова девојче од Пенсилванија стана вистинска ѕвезда, а нејзината мајка дури ангажирала телохранители за да се увери дека нејзиното девојче секогаш е безбедно.
– Веќе не се чувствувам нормално затоа што луѓето секогаш ме препознаваат, дури и кога едноставно сакам да појдам на сладолед со пријателите. Луѓето едноставно полудуваат – вели Меди за Daily Mail.
Нејзиното време допрва доаѓа, а таа порачува дека во иднина сака да се занимава со танцување, пеење и глума.
