Од филмови никогаш доста. Затоа за препорака имаме 5 историски филмови, кои ако не сте ги гледале – одма да ги гледате, а вие што сте ги гледале, препорака повторно да ги изгледате.
1. Gladiator (2000)
Филм на Ридли Скот, во главна улога е Расел Кроу заедно со Жоакин Феникс. Историска драма-акција, за времето на Римската Империја, кога еден Римски генерал ќе биде предаден од своите и синот на императорот ќе го убие неговото семејството, решава да направи одмазда, со што како гладијатор доаѓа во Рим. Филм изработен на класичен начин, без многу специјални ефекти, нешто што го вметнува како еден од најдобрите историски филмови некогаш направено.
2. Braveheart (1995)
Филм на Мел Гибсон, кој настапи и како режисер, и како главен актер. Филм за борбата на Шкотите против Англиската власт, каде што еден обичен човек, ќе ги обедини сите Шкоти да влезат во битка против моќната англиска војска. Филмот е осуден на критика поради историската неточност, но многумина сепак се согласуваат, дека и покрај сè, се работи за одличен филм.
3. Schindler’s List (1993)
Еден од најдобрите филмови, направен воопшто во историјата. Режисер е Стивен Спилберг а во главните улоги се Лиам Нисон, Ралф Фајнс, Бен Кингсли и многу друг. Дејствието е во Полска, за време на Втората Светска Војна, кога еден алчен германски бизнисмен Оскар Шиндлер, постанува неочекуван хуманитарец против Нацистите, кога својата фабрика ја претворува во пребежиште на 1100 Евреи, кои избегнуваат да бидат убиени во Аушвиц. Прекрасен филм кој треба секој човек да го изгледа.
4. Saving Private Ryan (1998)
Филм исто така за Втората Светска Војна, и уште еден филм на Стивен Спилберг. Во главните улоги се многу познати актери пред Том Хенкс, Мет Дејмон, Едвард Брнс, Вин Дизел, Бери Пепер, Тед Денсон и други. Група на војници, одат позади непријателската линија, во потрага на војникот Рајан, по наредба за да го вратат дома, поради тоа што сите негови браќа ќе загинат во битките на војната. Филм каде што осуммина војници се жртвуваат да го вратат на една мајка последниот син дома.
5. The Great Escape (1963)
И уште еден филм со тематика од Втората Светска Војна, но многу постар од другите. Режисер на овој филм е Џон Стурџис а улогите ги имаат Стив Меквин, Чарлс Бронсон, Џејмс Гарнер, Џејмс Кобурн и многу други славни актери во тоа време. Дејствието е за здружена група на амерички војници кои се заложници на војната, од страна на Германската армија, бараат начин како да избегаат од логорот во кој се сместени. Филм кој ги дефинираше сите следни филмови со слична тематика, филм кој и по толку време, сепак не изгубил ни грам од интересност.
