Постојано слушаме дека дневно треба да се внесуваат по 2 литра течности затоа што му се потребни на организмот и затоа што ни помагаа во заштитата на здравјето и убавината. Но, дали е тоа точно?
Која е идеалната количина за внесување на течности?
Вечен сојузник со нашето здравје е секако водата. Идеална количина на испиена вода за еден ден е 2 литра. Секако, треба да се води грижа за тоа каква флаширана вода се консумира и колку е ладна.
Многу флаширани води се разликуваат по нивниот хемиски состав. Некои можат да се пијат во неограничени количини, но некои можат само со една голтка да ни направат проблеми во желудникот.
Негазираната вода нема никакво влијание врз организмот, за разлика од минералната, која не треба да се користи како единствен извор на вода за задоволување на дневните потреби.
Колкава количина треба да се внесе во организмот зависи од возраста, климата, активностите и храната што секојдневно се консумира.
Водата треба да се пие помеѓу оброци. Доколку се консумира вода и храна, водата ги разредува желудочните сокови и може да предизвика мачнина и подуеност. Идеално време за консумирање вода е пред оброк или еден час по оброкот. Не треба да се заборави и една чаша наутро и една пред спиење.
Внимавајте да не е премногу ладна водата, затоа што онаа вода што се чува во фрижидер, може да предизвика настинка во организмот. Затоа бидете многу внимателни во текот на топлите денови и по физичките активности.
Внесувањето на потопла вода во организмот има неколку позитивни страни. Ги намалува киселините во желудникот, подуеноста и ждригањето.
Недостаток на вода во организмот се забележува преку заморот, главоболките и промена во крвниот притисок. Кожата станува сува, почнува да се првута и да изгледа постаро.
