Победник на втората сезона на музичкото шоу „Икс фактор Адрија“ е Амел Чуриќ од Босна.
Амел уште еднаш го покажа својот раскошен талент, а жирито беше повеќе од задоволно. Амел, кој пред 11 години еднаш победил на талент шоу, призна дека сонувал за овој момент.
Амел Чуриќ е победникот на второто издание на регионалното шоу „Икс Фактор Адриа“. Тој ја доби главната награда во износ од 20.000 евра.
По првиот сет на гласови за нова ѕвезда во регионот се најдоа нашиот претставник Боби Мојссовски, Ива Чуриќ, Амел Чуриќ и „Хајвеј трио“.
Меѓутоа по вториот сет на гласови во музичката борба имаше место само за Боби Мојсовски и Амел Чуриќ.
На крај победата ја однесе босанскиот претставник.
Амел за својот последен настап во шоуто се одлучи за песната „Да те богда не волим“ која оригинално ја изведува „Бијело дугме“.
– Победата и ја посветувам на мојата девојка и на моето семејство.
Без оглед на моите години, а ги имам 34, чувствувам дека мојата кариера штотуку почнува – изјавил Амел по прогласувањето на победата и призна дека долго време сонувал за овој момент.
Нашиот Боби повторно ја изведе рок баладата „Bed of Roses“ маестрално и покрај здравствените проблеми. Жирито не ги штедеше пофалбите и восхитот за неговиот гигантски глас.
