Филмот „Knock Knock“ на режисерот Илај Рот е дел од годинешната програма на филмскиот фестивал Санденс. Иако сеуште не е одреден датумот за премиера за пошироката публика објавен е првиот тизер за овој хорор филм.
Главната улога во „Knock Knock“ ја толкува Кијану Ривс. Тој ја толкува улогата на Еван кој живее мирен семеен живот, но тоа ќе се промени кога две млади девојки еден ден ќе тропнат на неговата врата. Овие девојки ќе го искористат отсуството на сопругата на Еван за да направат хаос во неговиот живот.
Покрај Ривс, во филмот се појавуваат Лоренца Изо и Ана де Армас.
