Динамични во секој домен од свирењето и настапите. Освен веселбите настапуваат и во доста емисии, настани и слично. Ви носиме екслузивно интервју со Премиер Бенд.
Од кога постои Премиер Бенд?
– Постоиме откако знаеме за себе 🙂 Поточно Премиер Бенд постои повеќе од 30 години со мали измени на почетокот околу составот додека да се пронајдеме меѓу себе во кој состав ќе се покажеме во најдоброто издание.
Што најмногу ви лежи на душа за свирење и кои веселби најчесто да не речам ве ,,отвараат” до максимум?
– Не можеме да направиме некое разграничување кога станува збор за веселба. Знаете секоја е посебна приказна за себе и има своја магија. Свадбите, крштевки, родендени, мекици или едноставно за расположување на сопствената душа си имаат своја магија.
Дали сеуште постојат оние платени желби на песни и поздрави во текот на една веселба ?
– Тоа оддамна веќе е извадено од репертоарот на веселбите. Постојат само развеселни луѓе кои секогаш сакаат да не почасатат и наградат за нашиот труд.
Некоја интересна случка од некој ваш настап да споделите со читателите ?
– Уфф…. Многу тешко прашање. Секоја веселба е своја приказна. Ни се случувало често после настап да не тераат да продолжиме со свирење во домашна атмосфера… Одењето по невеста отсекогаш имало некоја посебна моќ и секогаш интересни настани и обичаи кои оставаат посебен впечаток.
До каде сте на професионален план, дали досега имате снимено ваша песна или планирате во иднина ?
– Имаме до сега издадено околу десетина песни и секако не планираме овде да застанеме. Повеќето веќе ги знаат нашите песни но би ја издвоиле “Ќерко моја”. Некако преемотивно ја доживеавме сите од нас.
Гордост ни е да споделиме дека некои од нашите песни и преработки се слушаат и далеку од Македонија. Имаме неколку видеа од наши фанови иселени од Македонија кои редовно не радуваат со клипови од местата каде што ечи нашата музика.
Динамични сме во секој домен од свирењето и настапите. Освен веселбите настапуваме и во доста емисии, настани и слично.
Како може да ве исконтактираат нашите читатели ? И каде најчесто може да ве слушнат периодов ?
– Достапни сме во секое време на нашата фан страна Premier bend – Премиер Бенд. Можат да не контактираат и на 070/592- 606 Горан. Периодов претежно петоците ни се резервирани за во @Нашата Кафана. Сите оние што сакаат да уживаат во одлична музика и вкусна храна се добродојдени.
