Животот воопшто не бил благ кон фаталната русокоса и ѕвезда на филмот „Ниски страсти“, Шерон Стоун (57).
Таа имала толку подеми и падови особено во приватниот живот, но по секој пад таа станувала со крената глава и продолжувала понатаму.
Шерон е родена на 10 март 1958 година во работничко семејство во Пенсилванија. Нејзината мајка Дороти била чистачка, а нејзиниот татко Џозеф бил обичен работник. Нејзината мајка имала сон своите деца да ги изведе на вистински пат, да бидат интелектуалци, а не работници, и да си обезбедат подобар живот од нивниот.
Актерката има два браќа, Мајкл и Патрик, и сестрата Кели. Нејзината биографија недвосмислено потврдува дека убавината која таа ја поседува не е без интелектуално покритие. Денес Шерон е членка на Менса, здружение на најинтелигентните луѓе на светот, со IQ 154. Стоун некогаш бил најдобриот ученик во училиштето, далеку пред својата генерација,и на 15-годишна возраст била префрлена на универзитетот „Единборо“ каде што студирала книжевност и уметност.
Меѓутоа актерката никогаш не дипломирала, но во 2007 година кога повторно го посетила својот роден град и Универзитетот, како славна личност, и е доделен почесен докторат. Нејзин сон уште за време на студиите бил да остави актерска кариера со намера да стане новата Мерилин Монро, а патот кон славата го побарала преку локалниот натпревар за Мис, на кој на 17-годишна возраст е избрана за најубава девојка.
Првата улога ја добила во 1980. година во филмот на Вуди Ален, „Сеќавања на ѕвездената прашина“. Но најголемата слава ја остварила со улогата во филмот „Ниски страсти“ во 1992 година. Од тој ден таа станува миленичка на мажите ширум светот, и тоа најмногу благодарение на култната сцена во која ги прекрстува нозете облечена во бел фустан без долна облека.
Една од најстрашните случки во животот на актерката се случила во 2001 година. Тогаш животот на актерката и висел на конец. Доживеала силна болка и помислила дека е ранета во главата.
– Ја повикав мојата мајка и и реков: „Мамо, јас сум во Брза помош, имам излив на крв во мозокот“.
Актерката вели дека мозочната анеуризма била причина за многу грди случувања кои подоцна и се случиле, ја фрлиле на дното но исто така и дале можност животот да го види од друга перспектива.
– Морав повторно да учам да одам, да слушам, да зборувам, да се сеќавам, се од почеток. Мислев дека умирам, дури и кога се вратив дома – изјавила актерката.
Неколку години подоцна, нејзиниот живот како да се распаднал. Во 2004 година таа се развела од сопругот Фил Бронстин,а во 2008 година Фил добила целосно старателство над нивниот син.
– Постоеше дел од мене кој чувствуваше како се да сум изгубила. Мојата кариера беше изгасена, истото се случи и со моето семејство, се разведов, ми го одзедоа детето и голем дел од мојот идентитет. Потонав целосно. И кога потонав станав Феникс. Целосно изгорев, до пепел. Поради сето она што бев, поради тоа што го мислев, не остана ништо од тоа. Да се изгуби се е како смрт. А тоа не е лоша работа, смртта е она најлошото. Се стана побогато во текот на ова искуство. Се стана подобро за мене, поради ова искуство. Тоа беше како нов почеток. Секоја смрт е ново раѓање – вели Стоун на едно гостување кај Опра Винфри.
