Најновото издание на американскиот магазин „OK!“ пишува дека холивудксиот пар Викторија и Дејвид Бекам се разведуваат после 16 години брак!
Магазин пишува дека станува збор за развод вреден милијара долари, а Викторија наводно веќе ја отстранила и тетоважата посветена на нивната венчавка.
– Многу бракови пукнаа под притисокот. Мислам дека тоа е причината поради која Викторија стана толку повлечена во себе. Сега се во фаза во која се заситени еден од друг – раскажал изворот за славната двојка.
– Откако со години работеа на подобрување на својот однос, не најдоа друг излез од ситуацијата во која се најдоа. Меѓутоа, документите за развод се` уште ги немаат потпишано бидејќи моментално се премногу зафатени со нивните кариери, а сето тоа сакаат да го завршат на што е можно подискретен начин“, тврди изворот за американскиот магазин „OK!“.
Славната двојка уште во минатото поминуваше низ брачна криза, па во 2004 година се зборуваше дека Дејвид ја изневерувал Викторија, но тој тоа жестоко го демантираше.
Двојката нема предбрачен договор, што би можело да доведе до одредени проблеми при разводот.
– Последната работа на светот која Викторија и Дејвид сакаат да ја оштетат е нивното кралство – алудирал изворот на нивното богатство.
Инаку, славната британска двојка има четири деца. Тие се запознале во 1997 година, лудо се вљубиле и се венчаа во 1999 година.
