Дали некогаш сте помислиле дека жените имаат подобра генетска предиспозиција да бидат подобри во учењето, водењето хигиена, комуникацијата со други луѓе или менаџирањето? Резултатите на многу истражувања покажуваат дека жената е подобра од мажот во многу работи. Еве некои од нив:
Подобри се во менаџирање и мултитаскинг
Жените се подобри ментори и подобри шефови бидејќи повеќе слушаат и имаат поголемо разбирање за разлика од мажите. Жените се поитри и знаат како да го најдат вистинскиот начин за да ги мотивираат работниците. Исто така, жените се подобри воизвршување на мултитаскинг задачи, што е краен резултат на многу истражувања. Ова се должи на фактот што жените многу пологично им пристапуваат на работите, додека мажите постапуваат водени од својот инстинкт.
Жените инвестираат помудро
Според истражувањето врз 100.000 инвестициски фондови, женските инвестиции се подобри од оние на мажите. Тоа се должи на фактот што жените повнимателно носат одлуки и повеќе размислуваат на долгорочни патеки, како во љубовните врски, така и за сè останато во животот.
Подобро минуваат на интервјуата за работа
Иако се понервозни пред да започне интервјуто, жените во просек подобро минуваат на ваквите интервјуа бидејќи понапорно се подготвуваат, обрнувајќи внимание на секој детаљ. Универзитетот во Западен Онтарио спровел истражување кое покажало дека жените подобро се носат со стресот поради разговорот за работа.
Жените со еволуцијата стануваат сè поубави
Едно недамнешно истражување покажало дека, со текот на еволуцијата, жените стануваат се поубави, а мажите остануваат исти. Во истражувањето биле следени над 2.000 луѓе во текот на 40 години, а резултатите покажале дека привлечните жени имаат 16% повеќе деца од жените со просечен изглед, и дека убавите луѓе имаат 36% поголема веројатност дека првото дете ќе им биде женско. А тоа значи дека како што доаѓаат новите генерации, се раѓаат сè поубави жени.
Жените се подобри во учењето
Доколку споредите тетратка на момче и девојче кое учат во ист клас во основно училиште, ќе сфатите кој повеќе негува поуредни и поорганизирани навики во учењето. Истражувањата на универзитетите во Џорџија и Колумбија, покажале дека жените имаат подобар пристап кон учењето. Девојките се повнимателни, поодговорни, поуредни и поорганизирани од мажите. Баш поради тоа, дамите речиси секогаш подобро и навремено ги извршуваат своите работни задачи, за разлика од своите машки колеги.
Попаметни се
Истражувачот Џејмс Флин го тестирал коефициентот на интелигенција на луѓето ширум светот. Опфатени биле: САД, Европа, Канада, Нов Зеланд, Аргентина и Естонија. Погодете кој пол во просек покажувал повисоко ниво на IQ!
Повеќе внимаваат на хигиената
Жените се поуредни и многу повеќе внимаваат на личната хигиена, како и на хигиената на просторот околу себе, за разлика од мажите.
Жените се подобри возачи од мажите
Иако сите се убедени во спротивното, жените се повнимателни возачи, затоа што повеќе ги почитуваат сообраќајните правила и многу поголем процент од сообраќајните несреќи се предизвикани од мажи.
Подобри се во барање утеха
Жените почесто зборуваат за своите чувства и умеат полесно да ги искажат своите емоции, за разлика од мажите.
Поголем е бројот на жени кои дипломираат
Иако образованието на жените во минатото била контроверзна тема, во денешно време поголем е бројот на жени кои се запишуваат на факултет. Мажите во просек студираат 5 години подолго од жените, а поголем е и бројот на мажи кои се откажуваат од факултетот.
Поздраво се хранат
Жените консумираат поздрава храна за разлика од мажите и обрнуваат повеќе внимание на својата исхрана. Додека исхраната на мажите повеќе содржи брза храна и црвено месо, во исхраната на жените повеќе доминира овошје и зеленчук.
Имаат појак имунитет и живеат подолго
Тајното оружје за борба против инфекција на жените е естрогенот, кој содржи ензими што спречуваат појава на бактерии и вируси. Во просек, жените живеат 5-10 години подолго од мажите.
Ти се допаѓа? Следи не на Фејсбук и прочитај уште милион вакви текстови…
