Да замислиме едно типично македонско семејство: мајка, татко, две деца, баби и дедовци, куче, домашни ритуали…
Мајката и таткото на работа, децата на училиште, дополнителни активности како јазици или спорт, а баба и дедо се секогаш тука за своите најсакани внучиња. Понекогаш секој пее своја песна, но она што ги врзува сите и е задолжително во домот е семејниот ручек.
Такво е и ова семејство. Кај нив семејниот ручек е синоним за традиција, хармонија, за семејна благосостојба, мигови во денот кога сите членови од семејството се собрани и заеднички уживаат во оброкот, се дружат и разменуваат мислења. Не е семеен ручек ако не замириса на вкусната храна на мама или на баба, а она што е интересно токму кај ова семејство е тоа дека на нивната трпеза во секоја комбинација присутен пијалак е јогурт.
Секој член од семејството има своја уникатна причина зошто го сака и со кој оброк му е најомилен. Тие вешто знаат како да го комбинираат со секакви јадења и уживаат во најразлични видови храна на кои јогуртот им е најверен другар.
„Мама е шампион во измислување комбинации со јогурт. Понекогаш мислам дека нема јадење со кое таа не го комбинира. Еве, вчера, направи слатки мафини со мармалад од кајсии, а како прилог ни го послужи Битолскиот јогурт. Верувале или не, јас многу често го комбинирам со слатки јадења како освежување на оброкот, а дополнително и го пијам секој ден на училиште“, вели синот Марко.
Но, има и зошто мама е толку упорна.
„Вистина е, сакам да бидам креативна во кујната и навистина ми е важно моите деца да имаат квалитетни и здрави оброци. Го користам Битолскиот јогурт бидејќи е природен извор на витамини, помага во согорувањето на масните наслаги и содржи калциум и калиум што помагаат во исфрлањето на вишокот сол од организмот. Но, она што е најважно за нив – тој е навистина премногу вкусен и веќе години наназад стана рамноправен член на нашето семејство, присутен во сите семејни ритуали. Лично, најчесто го консумирам како замена за ужина, а, секако, и како прилог на храната што ја приготвувам“, рече мајката Билјана.
„Кај нас јогуртот не е присутен само за појадок, вечера или како ужина“, вели нејзиниот сопруг Васко. „Билјана е мајстор за комбинации и со главниот ручек. Јас си признавам – најмногу сакам добро испечено мевце со млад компир и салата, а на оваа безвременска класика од ручек кога мојата сакана сопруга ќе додаде и чаша студен Битолски – тоа е фантазија!“ објаснува тој.
Без оглед на тоа дали се работи за солено или слатко, кај ова семејство јогуртот е неизоставен.
„Кога би требало да набројувам со што сè мама ни приложува јогурт, веројатно ќе треба да испишам цела книга“, се шегува ќерката Мила. „Од разни солени печива како кифлички или пити, со овошје или свежи салати, па дури и со колачи и други слатки специјалитети. Комбинациите со слатките можеби му се најомилени на Марко, но мене најмногу ми се допаѓа комбинацијата со свежо овошје, како смути или со житарки“, додава Мила.
Од утро до мрак, од појадок до вечера, дома, на одмор, на училиште или на работа, за ужинка или како замена за оброк – ова семејство во сите свои ритуали го користи својот верен пријател во добропознатото розово пакување. Не само затоа што е вкусен и хранлив, туку и затоа што ги обединува.
Еден од најважните и најпочитуваните традиционални обичаи е собирањето на семејството за време на оброците, а тоа собирање кај нив е уште повредно ако на трпезата е и Битолскиот јогурт, вкус познат и омилен на сите генерации.
