Можеби правата и мазна коса е идеалeн избор за секојдневна фризура, но за вашите посебни пригоди или едноставно за викенд расположение одлучете се за секси брановидна фризура во духот на стариот Холивуд.
“Холивудските“ бранови најлесно се обликуваат со тенка пегла за коса која има заоблени рабови, со виклери или со фенирање со тенка четка. Олеснителна околност е доколку имате мека и природно прекршена коса на која локните подолго ќе останат обликувани.
Еве како самите да си направите заводливи локни!
На измиена коса нанесете спереј за сјај и мало количество на пена за коса, а потоа исушете ја со фен без да ја расчешлувате. На краевите нанесете една или две капки серум или силиконски капки.
Поделете ја косата на неколку дела и потоа секој прамен замотајте го околу пеглата за коса извлекувајте го нагоре. Доколу локните ги обликувате со фен и четка, праменот замотајте го околу четката и извлечете го нагоре притоа дувајќи со жежок воздух од фенот. По обликувањето на секој прамен испрскајте го со лак.
Виклерите се добра опција доколу не сте баш вешти во обликувањето со четката за фенирање и пегалата или пак немате многу време. За крупни локни изберете дебели виклери, а за ситни локни тенки виклери. Оставете ги виклерите на полу сува коса 30-40 минути и потоа обликувајте ги со прсти. Не заборавајте на лакот за коса.
Ако сакате вашите бранови да изгледаат полабаво исчешлајте ја косата со четка со природни влакна на која претходни ќе нанесете лак за коса.
Спрејот за сјај и серумот на врвовите ќе ја направат вашата фризура блескава но само под услов да не претерувате со нивното количество за да не ја измастите косата. Исто така за да остане вашата фризура подолго обликувана со оглед на влажниот воздух во зимскиот период изберете квалитетен лак кој ќе го нанесувате на растојание од 10 цм од косата.
