Тричасовна специјална програма која вклучува интервју со славниот биограф на принцезата Ендру Мортон, делови од приватните ракописи на принцезата и теoриите за заговор поврзани со смртта.
Автомобилската несреќа која беше фатална за принцезата Дајана, го потресе светот и го означи денот кој никој никогаш не го заборави. ТЛЦ на годишнината од трагедијата оддава чест на „кралицата на човечките срца” во еден емоционален, тричасовен специјал кој вклучува ексклузивни снимки, исечоци од интервјуа од принцезата со Ендру Мортон и новите истражувања за теориите на заговор поврзани со нејзината смрт. „Дајана: Трагедија или предавство?” премиерно ќе се прикаже на 31 август во 20 часот на ТЛЦ.
Познатата хуманитарка и стилска икона, принцезата Дајана го редeфинираше поимот „кралски”, додека привлекуваше милиони со нејзиниот непретенциозен шарм. Светот ја запозна како млада, срамежлива девојка и ја следеше додека растеше во јака независна жена. Ја сакаа бидејќи ги заобиколуваше нормите и сама го кроеше нејзиниот кралски пат. Специјалната програма го прикажува нејзиниот живот, настаните кои се одвивале до нејзината смрт и неколку теории на заговор поврзани со несреќата. Во документарната специјална програма се откриваат нови детали за кралското семејство, предизвикано од животот кој Принцезата го водеше со принцот Чарлс и тоа колку заштитнички била настроена спрема своите синови.
Гледачите ќе имаат можност да го преслушаат и ексклузивниот разговор на Дајана со биографот Ендру Мортон. Останатите интервјуа се со нејзините пријатели, Мери Робертсон и Џејмс Колтруст, телохранителот Кен Варфеа, кралската биографичарка Ингрид Сувард, кралската историчарка Кејт Вилијамс и новинарките Темрон Хил и Дебора Норвил. Покрај тоа, актерот и теоретичар на заговори Ричард Белзер дава увид во различните можности за тоа што точно се случило во трагичната ноќ со принцезата Дајана.
