Најбезобразната кражба во Скопје фатена на камера

Со црно капутче, црна сукња и црни чизми – пристојно облечена жена во средни години стои покрај детска количка. Последно на кое ќе помислите гледајќи ја оваа фотографија е дека оваа жена краде додека мајката на детенцето еднато во количката избира парче детска облека.

Безбедносната камера на еден скопски трговски центар го уловила моментот кога оваа жена од ранчето закачено на количката успева да украде новчаник полн со пари и документи – јавува Сител ТВ.
Целиот настан трае само неколку секунди а сведоштвото на мајката објавено на социјалните мрежи е предупредување до сите оние кои во овие денови на попусти безгрижно шопингуваат со своите деца.
Случајот веднаш бил пријавен во полиција.