Беки Николсон зад себе има два брака, три деца од тројца различни мажи и неколку љубовници, а наскоро ќе се омажи со со најдобриот играч од Премиер лигата, Џејми Варди.
Со Џејми веќе има дете, девојчето Софија, а од денес и официјално ќе биде во брак со него.
Беки прв пат се омажила на 19 години и во тој брак била само половина година. Првиот сопруг го изневерила со пејачот Питер Андре за кој подоцна изјави дека бил ужасен љубовник и дека воопшто не пробал да ја задоволи. Андре го видела во некој ресторан, му пришла и му го дала бројот.
После тоа ја доби ќерката Меган, со сопственикот на компанија за недвижнини, а година дена после тоа го запознала и Лук Фостер, фудбалер од Оксфорд Јунајтед, со кој беше шест години и го доби синот Тејлор. Додека се уште беше со Фостер, го запозна Варди.
“Мислеше дека добро ми оди, дека ќе и бидам скала повисоко кон подобар живот. Мислеше дека сум полн со пари”, изјави подоцна Фостер, пишува “The Sun”.
Таа се запознала со Варди кога ја ангажираше да му организира роденденска прослава, со што таа се занимавала во тоа време. Денес ја води неговата академија за помош на фудбалери аматери. Често нагласува дека и се воодушевува на Викторија Бекам, но дека не пробува да стане како неа.
Џејми Варди е напаѓач на Лестер Сити, а прогласен е за најдобар играч на англиската лига за оваа сезона. Поради врската со Беки, Варди се скара со своите родители кои не се повикани на свадбата, која британските медиуми најавуваат дека ќе биде една од најгламурозните досега.
На својот Инстаграм и Фејсбук профил, Беки веќе го користи неговото презиме.
