СОСТОЈКИ:
500 гр лиснато тесто
500 мл млеко (крем)
4 жолчки (крем)
1 ванилин шеќер (крем)
200 гр шеќер (крем)
2 полни лажици брашно (крем)
1 кесичка пудинг од ванила (крем)
30 гр путер (маргарин) (крем)
ПРИГОТВУВАЊЕ:
Лиснатото тесто расукајте го со сукало малку Ако користите смрзнато лиснато тесто, прво нешто треба да направите е да го оставите околу половина час на собна температура. Тестото не треба да биде ниту премногу меко, ниту претврдо. Ако се лепи можете да го посипете со малку брашно.
Потоа исечете го на лентички со ширина од 2 см. Лентите свиткајте ги околу металниот калап и печете во загреана рерна на 200 степени околу 12 минути. Кога се готови, извадете го калапот и оставете ги да се оладат.
Во сад за готвење ставете 400 мл млеко да зоврие. Во друг сад измешајте ги жолчките, шеќерот, ванилинот шеќер, брашното и пудингот од ванила со 100 мл млеко. Оваа смеса префрлете ја во садот со млеко и мешајте на оган се додека не се згусне.
Кога смесата ќе се олади, додадете и 30 грама путер и повторно промешајте.
Со помош на шприц за готвење, наполнете ги корнетите со кремот од ванила. По желба наросете шеќер во прав и послужете ги ладни.
