Кога ќе забележите дека се околу вас е сменето, а вие дознавате подоцна за тоа, тогаш е дефинитивно време да смените некои работи.
Штотуку раскинавте со момчето и повеќе немате желба да излегувате на секојдневните кафиња со пријателки, на вечерните журки… Се околу вас се менува, само вие сте истата. Но, дали сте сигурна дека сте комплетно истата личност?
Се разбира дека не. Раскинувањето може да биде прилично тешко, особено за женскиот пол. Но, по кои постапки ќе препознаете дека целосно сте подготвена да свртите нова страница во животот без многу да размислувате на тоа што ви се случило во минатото?
Пријателски однос
Нема никаква потреба за пријателски однос со бившото момче, кога ни тој не се однесува пријателски со вас. Имате доволно многу и доволно блиски пријатели и пријателки. Тој нема да ја збогати листата.
Лоши моменти
Кога по извесно време ќе започнете да размислувате и за лошите работи што ви се случиле во врската и да размислувате за неговите маани и негативни страни, тогаш сте сосема подготвени за нов начин на живот и за нови луѓе.
Љубовни песни
Кога ќе престанете да се депримирате со љубовни песни, подготвени сте за луда журка со вашите најблиски пријатели. Исто така може ќе бидете подготвени и за нови предизвици поврзани со машкиот пол.
Нови вести
Кога ќе забележите дека се околу вас е сменето, а вие дознавате подоцна за тоа, тогаш е дефинитивно време да смените некои работи. Доколку порано не сте посветувале толку внимание на пријателките и нивните проблеми, можеби сега е време да го сторите тоа. Треба да сфатите дека момчето не е единствената убава работа што ви се случува во животот.
Светна сијалицата
Треба навистина да разберете дека вие не губите ништо туку тој. Доколку вие не се цените доволно за да не се понижувате пред него, тогаш не очекувајте и тој да ве цени, кога вие не го правите тоа. Вие сте си најважна и тој губи! Не вие!
Не мислите на него
Кога веќе ќе престанете да мислите на него, но онака целосно да не мислите, да не посветува дури ни една секунда на него, вие сте излечена. Договорете ги другарките и веднаш одете во поход на ново момче.
