Седнати покрај огништето во неговиот трошен дом, тој е човек со длабоки бразди на челото, со коса побела од снег, но и со душа помека од памук, со сребро во косата, но злато во срцето.
За својата внука не посакува ништо друго освен најдоброто, па од дното на срцето ќе се обиде да ги извлече вистинските зборови кои ќе ви дадат насока во животот.
Еве ја мудроста на дедо ми во 7 реда:
ОМАЖИ ЗА ПАРТНЕР СО КОЈ САКАШ ДА РАЗГОВАРАШ
Кога ќе остариш како мене, кога ќе те боли грбот и косата ќе ти стане седа, се што ќе ти биде потребно е партнер со кој ќе сакаш да разговараш.
Некој што ќе те насмее да заборавиш на реумата или некој со кој ќе си слушаш вести со тон пуштен до крај, па после ќе си бистриш политика. Тоа ќе ти биде поважно од било што друго.
НЕ ВРЕСКАЈ, ЌЕ ТЕ БОЛИ И ТЕБЕ И НЕГО
Со врескање никогаш нема да го натераш мажот да го направи тоа што го сакаш, само ќе го фати инает.
Биди мудра со зборовите, смирена, остави го тој нека биде главата, но ти биде вратот кој во позадина ќе ја насочува главата. Така ќе оствариш се што ќе посакаш, а и ти и тој ќе бидете среќни.
СЕКОЈ НА СВЕТОТ Е САМО ОБИЧНА ЛИЧНОСТ
Без разлика што некои луѓе носат модерни шапки или имаат значајни титули пред името и привремено имаат моќ да направат да мислиш дека се над останатите, не верувај им! Тие ги имаат истите двоумења, стравови, надежи како и ти и тие јадат, спијат и уринираат.
Секогаш преиспитувај го авторитетот, но биди екстремно внимателна при тоа. Соседот еднаш беше градоначалник, сега е просјак.
ПАТУВАЈ ДОДЕКА СИ МЛАД
Не чекај да заработиш доволно пари и да дојде вистинското време. Пари секогаш ќе ти недостигаат и ќе имаш други обврски. Тоа никогаш нема да се случи, затоа подготви го пасошот уште денес.
Ако јас не видов повеќе од Дојран, ти види го светот и за мене!
ЗБОРУВАЈ БАВНО, МИСЛИ БРЗО
Немој да бидеш како сосетката со црвен кок. Радио милева ја викавме цел живот, само трачари, а што е уште полошо побргу зборува од што мисли.
Многу луѓе има повредено, ретко кој ја сака и на неа е фокусиран сиот маалски подбив.
КАЖИ „НА ЗДРАВЈЕ“ КОГА НЕКОЈ ЌЕ КИВНЕ И „ИЗВИНИ“ КОГА ЌЕ ПОГРЕШИШ
Како што ти сакаш кавалери, така и кавалерите сакаат културни дами. Биди девојка воспитана, девојка за која ќе речат дека има домашно воспитување и девојка на која дедо ќе биде горд дека направил добра работа. Секој ќе сака да биде во твое друштво.
МАЛИТЕ КАВГИ НЕ СМЕАТ ДА ТИ ГИ РАСИПАТ ГОЛЕМИТЕ ПРИЈАТЕЛСТВА
И мене дедо ти Кире не ми ја врати секирата ама ајде му простив, се сетив на оној пат кога баба ти беше во болница, а јас цело време со неа, па се грижеше за куќата, за дворот, за кучето.
Такви големи пријателства ќе имаш малку во животот, па не смееш да дозволиш мали кавги да ги уништат.
