Се сеќавате кога на колешката и ги пофаливте чевлите, кои беа далеку од вашиот вкус, или фустанчето кое на другарка ви и стоеше како преполна вреќа?
Сетете се кога на момчето му кажавте колку ви недостига, а вие ја имавте најдобрата забава во животот со пријателките или кога не шефицата и посакавте среќна нова година, а воопшто не го мислевте тоа.
Колку пати ќе донесеме вакви одлуки во животот за да ублажиме одредени ситуации? Уште колку вештачки насмевки ќе поделиме со цел да го зачуваме нашиот, но и мирот на останатите?
Работното место – театарска сцена!
Лицемерието како да стана начин на функционирање. На работа двете колешки бурно си ги фалат новите капутчиња една со друга, а зад грб се што сакаат е да се фатат за коси и да го истурат целиот гнев кој го носат една за друга. Маската на работното место како да стана вистинската формула за успех.
Сите станаа актери во средината наречена совршена работна атмосфера, а потајно очајнички кликаат со маусот на „најдиработа“.
Сет револт останува да натиска кај градите од левата страна, а вие ставате насмевка, како да сте најсреќни на свет.
Мравки во машинеријата живот!
Дали станавме злобни и правиме лице кај ќе стигнеме или тоа е цената на нашиот живот во цивилизација, па мора да правиме баланс за да успееме да функционираме во морето на мравки?
Да, сите ние сме мравки, така мали, така ситни во една огромна машинерија на произведувачи, препродавачи и консументи, некогаш ни сервираат, некогаш сервираме лицемерие за да не бидеме единствената алка која го расипува магичниот круг.
НОВА ТЕОРИЈА: Опстанување на најлицемерните!
Дарвиновата теорија за селекција на видовите и опстанување на најуспешните, полека се претвора во опстанување на најлицемерните.
Вработениот кој најслатко ќе се смее и најпотчинето ќе кимнува со главата пред желбите на останатите е оној кој најдолго ќе опстане.
Девојката која ќе премолчи за новиот демоде фустан на другарката, нејзините вишок килограми и погрешниот избор на дечковци ќе биде онаа која ќе има најголем број на пријателки.
Партнерката која ќе му кажува на дечкото кооолку многу го сака, а зад грб го изневерува при првиот флерт со некој тип, ќе биде најсаканата.
Внуката која еднаш безволно во денот ќе и се јави на баба си ќе добие најголем џепарлак.
Дали лицемерието е неопходен начин на функционирање или чисто зло?
Ти се допаѓа? Следи не на Фејсбук и прочитај уште милион вакви текстови…
