Сигурно и вие имате поставено огромно огледало во својата соба пред кое ќе можете да ги пробувате своите комбинации и да се видите целосно од глава до петици, но сепак ова не е препорачливо.
Според Фенг шуи и други слични учења огледалото ви ја осиромашува енергијата кога ви е најпотребна, навечер кога вашето тело работи на закрепнување. Ако вашето тело се рефлектира во него исто така се вели дека носи лоша среќа и зли духови.
Стратешка поставеност на огледалата
Огледалата ја дуплираат постоечката енергија. Се разбира, затоа се препорачливи добро поставени огледала во продавниците. Кога во него ќе се рефлектира сиот тој кеш кој влегува во касата ќе се дуплира финансиската енергија и ќе се зголеми продажбата.
Истото важи и за поставување на огледало во дневната на кое би се рефлектирала храната на трпезата, а со тоа би имале изобилство од истата во вашиот дом во иднина.
Дупло посреќни или дупло потажни?
Значи додека спиете огледалото би го дуплирало чувството кое го имате во моментот. Ако сте среќни тоа ќе се дуплира, но и ако сте тажни и тоа ќе се дуплира.
Реткост е кога една личност искусува постојано среќа, па дури и најсреќните луѓе имаат некое влијае во текот на денот кое ги онерасположува. Затоа најдобро е во спалната да не ставате огледало или пак во него да ја нема рефлексијата на вашиот кревет.
Носи трета личност во бракот?
За двојките во брак сликата во огледалото додека спијат ќе ја зголеми романтичната среќа, но лошо е затоа што на овој начин огледалото кани трета личност во нивната врска.
Ги кани лошите духови?
Уметноста Фенг шуи не дава објаснување дали огледалото навистина повикува зли духови, но според Таоизмот се верува дека огледалото е портал кон други светови и од нашиот „свет на соништата“ многу е полесно да преминеме во некој друг свет и да ги поканиме духовите во нашата соба.
Може да се работи за добри или лоши духови. Во таоизмот се верува дека лошите духови може повеќе да ви наштетат ако сте во сонувачката фаза.
Како да го поставите огледалото во вашата соба?
1. Ако вашето огледало е подвижно само поставете го под агол за вашиот кревет да не се рефлектира во него.
2. Ако имате огледало на вратата од вашиот плакар поставете завеси кои ќе ги тргате наутро, а ќе ги ставате навечер. Преку ден ќе имате светлина и свежина од огледалото во спалната, а навечер ќе се заштитите со завесите.
Кои други работи не се препорачиви да ги имате во спалната соба според Фенг шуи?
Водни предмети – На пример, да се ставите во спалната соба аквариум. Се смета дека тоа ќе донесе само несреќа на сопствениците на овој дом – или ќе ги ограбат, или ќе претрпат големи финансиски загуби.
Кога фенг шуи специјалистите говорат за воден ентериер во спалната имаат предвид не само аквариуми, а и слики со морски пејзажи, живописни езера, дури и декоративни фонтани.
Цвеќиња и други растенија – Сигурно нема да ви се допадне ова тврдење на Фенг шуи , но избегнувајте во вашата спална соба да поставите цвеќе или други растенија, особено оние кои се во фаза на раст. Тие поседуваат особено висока јанг енергија (позитивната, топлата, светла енергија), но според Фенг шуи, цвеќињата во спалната соба може да доведат само до кавги, недоверба и скандали во брачната одаја. Слики со цвеќиња, исто така не е пожелно да имате.
