Мајките на децата секој ден се научени да им припремаат храна, да им го наместат креветчето или пак да ги облечат. Сепак ова и не се така навидум лесни задачи.
Еве што се случува кога мајката ќе отпатува а таткото е оставен да се грижи за четирите деца еден викенд.
– Драги, ти ги пишувам ова од љубов а не од страв. Сакав да ти кажам неколку работи пред да се препуштиш на викендот така сам – го започнала своето писмо Меган Оесар која му дава инструкции на својот сопруг како да го “преживее“ викендот.
– Во случај доколку планираш да завршиш некоја твоја работа овој викенд, среќно! Квин плаче на секои 4,5 секунди, постојано сака вода поради која често оди во тоалет. Некогаш може да оди и сама, но најчесто мора да и помогнеш. Не заборавај да имаш резерва на долна облека. Те бакнувам!
– Вечерата ќе биде грозна. Бали ќе сака пица, Харпер ќе праша за палачинки. Квин ќе се расплаче кога ќе го изговориш зборот “палачинка“, па затоа ќе инсистираат на тестинини со сирење ( но не од розевата ни пак белата кутија, туку од виолетовата ). Кога ќе видат дека нема тестенини во виолетовата кутија ќе се одлучат за тост, но Пени ќе сака тестенини. Во меѓувреме ќе почнеш да правеш палачинки за Харпер а откако ќе слушне за тостот на Квин, и тој ќе се сложи со тоа.
– По ова ќе ги фрлиш палачинките во канта бидејќи Бали има проблеми со стомакот кога јаде тестенина, додека Харпер и така сака само тестенини од белите пакувања. На крај сите ќе јадете житарици со млеко – пишува мајката.
Но инструкциите не завршуваат тука. Мајката предупредува дека подготовката за спиење се претвора во вистинска ноќна мора.
– Заборави на пижамите со Пени. Таа ќе ја сака својата облека со Мики Маус на неа, а кога ќе и ја облечеш ќе почне да се жали дека ја стегаат ракавите. Неместо тоа облечија во онаа на Есшом. Големи се шансите да е нечиста ама нема врска… и таа е. Кога ќе видеш дека не можеш да ја успиеш на крај ќе ја однесеш во раце со тебе во креветот мислејќи дека тоа е добра идеја. Ха ха ха! Ќе имаш чуство дека спиеш со боксерот Evander Holyfield под дејство на дрога. Квин, Харпер и Бели ќе заспијат без проблеми но за кратко ќе сватат дека нивните мали усни се суви и ќе реагираат како да поминале 1000 км во Сахара. Една по една ќе се спуштаат во кујната на секој 5 минути и ќе бараат вода. Не и дозволувај на Квин да пие од розевата чаша бедејќи ако другите го забележат тоа, ќе полудат.
Духовитата мајка во писмото тврди дека доручекот и ручекот ќе бидат подеднакво грозни а својот сопруг го советува да се напие многу кафе бидејќи ќе му треба енергија и да остане буден цел ден.
Откако писмото е објавено на Facebook, за само неколку дена е споделено над 96 000 пати и има повеќе од 52.000 коментари.
Целото писмо на англиски јазик можете да го прочитате во продолжение…
