“Vivaldi” – Нов интернет прелистувач за фановите на стариот Opera
Во борбата за корисници со ривалите Mozilla Firefox, Apple Safari, како и најавениот нов Spartan од Microsoft ќе се вклучи и “Vivaldi”, нов интернет прелистувач.
Vivaldi е наменет за напредните корисници кои што сакаат да користат прелистувач кој што им нуди нешто повеќе без потреба од инсталирање на додатоци.
Новиот прелистувач на корисниците ќе им понуди:
– Можност за избор на позицијата на табовите на сите страни од екранот
– Промена на боите на горната лента и табовите зависно од бојата која што преовладува на веб страната која што е отворена
– Можност за редење на купче, односно еден врз друг на повеќе табови со што се овозможува подобра организација за корисниците кои што имаат обичај да отвораат поголем број на табови
– Лента на левата страна на која што се поставени омилените страни, email, chat и белешки
– Quick Command функција која што се активира со притискање на Ctrl + Q и која што овозможува извршување на одредени работи со нивно впишување наместо користење на маусот
