Планот за оваа диета е едноставен. Не бара строго придружување кон правила затоа можете да ја практикувате иако сте зафатени и немате време да готвите дома. Всушност на диета сте само наутро.
Сé што треба да направите е за појадок да јадете банани и да пиете вода. За ручек е дозволено да јадете што сакате, можете да си дозволите и лесна вечера, но никако не смеете да јадете навечер или поточно по 8 часот.
Сепак, постојат некои ограничувања. Не се препорачува да јадете сладолед, млечни производи со висока масленост, десерт по вечератa и алкохол. Единствениот дозволен пијалак е водата. На пладне можете да каснете и ред црно чоколадо.
Еден од добрите аспекти на оваа диета е тоа што не мора да вежбате по секоја цена. Навистина резултатите ќе бидат побрзи и поголеми, но ако тоа е мачење за вас, не практикувајте го. Не смеете да се ставите под притисок и стрес кои може негативно да се одразат на вас со тоа што ќе ве наведат да посегнете по слатките.
Постојат повеќе верзии за успешноста на оваа диета. Навистина е чудно само со јадење банани наутро, да почнете да губите килограми. Според една теорија, бананите содржат ензими што го поттикнуваат варењето на храната и го зачестуваат празнењето.
Општо е познато дека плодовите кои содржат влакна, меѓу нив и бананата, полесно поминуваат низ дигестивниот систем оневозможувајќи да се таложат вишок калории.
Според друга теорија, во бананата се откриени растителни влакна што директно влијаат на согорување на калориите. Истото е пронајдено и во зелените домати, грав, грашок, но само ако ги консумирате ладни. Студиите потврдиле дека ваквите влакна го блокираат конвертирањето на калориите во организмот. Бананата содржи само 2 – 4 грама од изворните растителни влакна, а оброкот се препорачува да содржи 3,5 – 4,9 грама.
Јасно ви е дека и да не јадете ништо за појадок, а остатокот од денот да го поминете со храна околу вас, нема да ја достигнете посакуваната тежина.
Банана-диетата има неколку клучни точки што се пресудни за нејзината ефикасност.
Прво: Појадок исклучиво со банани. Една банана содржи од 75 – 135 калории и 10 – 20 грама шеќер, во зависност од големината. Позитивно е тоа што ве одржуваат сити сé до ручекот, што не е случај со другите плодови.
Второ: Не претерувајте со ручекот и вечерата за да може организмот да постигне и да ги искористи потребните материи, а да се ослободи од вишокот.
Трето: Не смеете да го активирате желудникот по 8 часот, тогаш целиот метаболизам е забавен и варењето на храната не е целосно.