Новиот процесор наречен NUCLUN, ќе има свое деби оваа недела на G3 screen паметен телефон, кој е развиен специјално за пазарот на Јужна Кореа.
Благодарение на посебната ARM big.LITTLE технологија, NUCLUN нуди големи можности кога е во прашање мултитаскинг. Овој процесор поседува 4 јадра од по 1.5GHz (ARM Cortex-A15) за комплексни операции и 4 јадра од по 1.2GHz (ARM Cortex-A7) за мали интензивни процеси.
Во зависност од поконкретни задачи, бројот на активни јадра може да се прилагоди со максимална брзина на процесирање или максимална заштеда на енергија. NUCLUN е дизајниран за поддршка на следната генерација 4G мрежи, LTE-А Cat 6, кој овозможува максимална брзина на download до 225 Mbps, а во исто време е компатибилен со актуелните LTE мрежи.
„NUCLUN отвора ново поглавје во историјата на иновациите на мобилната технологија на LG“, вели д-р Jong-seok Park, претседател и извршен директор на LG Mobile Communications компанијата. „Со ова решение ќе бидеме во можност да постигнеме подобра вертикална интеграција и додатно ќе ја зајакнеме стратегијата на нашите производи наспроти се поголемата конкуренција. NUCLUN всушност ќе ни овозможи поголема флексибилност во понатамошниот развој на нашите перформанси во овој конкурентен пазар.“
G3 Screen, како прв LG паметен телефон опремен со NUCLUN процесор, го има наследено дизајнот, камерата и UX карактеристиките на популарниот G3 модел.
G3 Screen поседува HD IPS екран со висока резолуција со дијагонала од 5,9 инчи, како и звучник со јачина на тонот од 1W. Со оглед на тоа дека најголемиот паметен телефон дизајниран за LTE-А Cat 6 мрежите, G3 Screen има три пати поголема брзина на преземање на податоците од регуларните 4G LTE мрежи.