Научниците имаат претпоставка колку топлина се произведува во внатрешноста на Земјата, но каде таа точно се произведува, досега било тешко да се каже.
Благодарение на новата мапа за глобалната емисија на антинеутрино, би можело да се дознае нешто повеќе за внатрешноста на Земјата, како и за топлотните процеси кои се случуваат таму.
Оваа мапа е прва со детално наведени емисии на антинеутрино и може да им помогне на научниците да ги следат изворите на радијација кои луѓето ги произведуваат во нуклеарните реактори.
Мапата ја објавило научното списание Scienitific, и на неа е прикажано како топлината се поместува во внатроешноста на Земјата, што би требало да овозможи подобро разбирање на овие процеси.
– Оваа мапа би можела да го обележи почетокот на новата научна под-дисциплина. Таа е слична на настанувањето на првата мапа на Северна Америка по пристигнувањето на Колумбо, бидејќи истражувачите од тоа време имале малку информации од неколку неповрзани посети, а ги искористиле за да направат алатка за многу други мапи – вели Џон Лернд од Универзитетот на Хаваи.
Вилијам Мекдоноу, професор по геологија на Универзитетот Мериленд, кој е ко-автор на истражувањето, наведува дека внатрешноста на Земјата е многу тешко да се види, дури и со помош на модерната технологија.
-Оваа мапа би можела да се покаже како посебно корисна за идните проучувања на долната кора и обвивката на јадрото- објаснил Мекдоноу.
