Facebook се пофали дека нивниот Messenger сервис за праќање пораки го користат повеќе од половина милијарди корисници.
До оваа бројка дојдоа по само неколку месеци, откако објавија дека ќе ја издвојат оваа услуга од Facebook.
Инаку, Messenger е првата самостојна апликација на Facebook и главната цел ѝ е допишувањето. Освен праќањето на пораки, на корисниците им е овозможено да разменуваат видео содржини, виртуелни „налепници“, одржување на групни разговори, бесплатни повици итн.
Оваа бројка на корисници е прилично близу до 600 милиони, односно бројка на корисници кои што ги има WhatsApp апликацијата. Инаку само да напоменеме, Facebook ја купи оваа апликација за 19 милијарди долари.
Но, Facebook има големи планови и за Messenger. Имено шефот на овој сервис, David Marcus, изјави дека одат накај милијарда.
Исто така, Facebook планира во Messenger да вметне опција и за мобилно плаќање и за праќање на пари. Ова ќе биде доволна причина за издвојување на оваа апликација од останатите.
