Дури 68 отсто од граѓаните на Република Македонија сметаат дека мрежата на Т-Мобиле е најдобра во земјата и дека ги оправдува нивните очекувања, е главниот заклучок од истражувањето на реномираната истражувачка агенција Brima дел од TNS групацијата македонски член на GALLUP International.
Споменатото истражување на јавното мнение е спроведено во февруари годинавa, на репрезентативен примерок од 1.000 граѓани на возраст над 15 години.
За потребите на истражувањето, „Брима“ спроведе теренска анкета, интервју со случајно избрани граѓани по утврдена методологија кои доброволно одговараа на прашања поврзани со работењето на телекомуникациските оператори, нивните услуги и производи.
Изборот на мрежата на Т-Мобиле за најдобра е резултат на повеќекратните инвестиции реализирани од Македонски Телеком и Т-Мобиле Македонија во најновите телекомуникациски технологии, за да се обезбеди најдобро корисничко искуство преку софистицирани и персонализирани услуги.
Македонски Телеком овозможи Македонија да биде прва земја во Европа со мрежа целосно базирана на интернет протокол, прва воопшто во Дојче Телеком Групацијата, додека пак Т-Мобиле прв ја воведе 4G мрежата и за само една година достигна 50 отсто покриеност на населението и 20 процентна покриеност на територијата со најновата 4G технологија.
